Yn sefyll gyda’n gilydd dros ein cymunedau gwledig | Cyfrannwch at y gronfa gyfreithiol.
Cyfiawnder i Gymru
Fe groeswyd llinell
Ar draws cefn gwlad Cymru, mae prosiectau ynni corfforaethol enfawr yn cael eu gwthio drwodd trwy’r broses gynllunio ar frys enbyd. Mae cymunedau’n teimlo heb lais yn y penderfyniadau am eu dyfodol eu hunain. Mae teuluoedd, ffermydd a busnesau bach dan bwysau na ellir ei gynnal.
Cyhuddwyd Green GEN Cymru, y cwmni y tu ôl i gynlluniau ar gyfer 200 cilomedr o beilonau foltedd pwysedd uchel, o frawychu, aflonyddu a gorfodi mewn ymgais i geisio mynediad at dir preifat.
Sonia pobl am ymweliadau dirybydd, galwadau cyson ynghyd â bygythiadau o weithredu cyfreithiol. Tystia rhai i syrfewyr yn croesi caeau heb ganiatad, yn anwybyddu galwadau i ymadael, a thorri rheolau sylfaenol biodiogelwch.
Dylid adeiladu datblygiad ar ymddiriedaeth, cydsyniad a pharch yn hytrach na phwysedd acofn.
"Dylid adeiladu datblygiad o’r raddfa hon ar ymddiriedaeth, cydsyniad a pharch, nid ar bwysau nac ar ofn."
EIN TIRLUN BYW
Tymor wrth dymor, rydym yn gofalu dros y lleoliadau hyn, y cymoedd, y ffermydd a’r tiroedd comin sy’n ffurfio Cymru wledig.
Byddai rhwydwaith arfaethedig Green GEN Cymru o linellau peilonau 132kV (llwybrau Tywi- Wysg, Tywi-Teifi, Efyrnwy-Frankton) yn trawsnewid dyffrynnoedd gwyrddion, blaenddwr yn goridorau diwydiannol.
Rydym yma i siarad ar ran y tirluniau hynny, dros y bobl sy’n eu trin, a dros ffordd o weithio gyda’r tir sy’n adeiladu dyfodol heb ddifrodi’r presennol.
Safwn dros dirlun byw:
∙ lle mae cymuned, natur a bwyd yn cydfodoli
∙ lle y mae newid yn digwydd trwy gydsyniad yn hytrach na grym
∙ a lle y mae datblygiad yn cryfhau gwëad y bywyd gwledig yn hytrach na’i ddinistrio.
.jpeg)
Mae Cyfiawnder dros Gymru yn cymryd camau cyfreithiol i herio ymddygiad Green GEN Cymru ac i amddiffyn hawliau’r bobl a’r lleoliadau sy’n cael eu heffeithio.
Dadleuwn bod y cwmni wedi ymddwyn yn anghyfreithiol yn ei ymgais i gael mynediad at dir preifat, gan dorri cyfraith cynllunio, hawliau dynol ac amddiffynfeydd amgylcheddol.
Rydym yn codi £50,000 trwy CrowdJustice ar gyfer costau cyfreithiol cychwynnol yr her hon, sy’n cael ei harwain gan New South Law.
Gyda phob punt yn mynd ar ei union i gronfa a reolir gan gyfreithiwr.
Rhowch gyfraniad tuag at Gronfa Gyfreithiol Cyfiawnder i Gymru.
"Gyda’n gilydd, rydym yn sefyll yn erbyn y system gynllunio orfodol a di-hid sydd wedi caniatáu i ddiddordebau pwerus ddiystyru gwybodaeth leol, amddiffynfeydd amgylcheddol, a hawliau’r rhai sy’n byw ar y tir."
Mae Cyfiawnder i Gymru yn tyfu drwy’r gair llafar, ewyllys da a phwrpas a rennir.
Gallwch helpu drwy:
• gynnal cyfarfod neu fore coffi
• rhannu ein hymgyrch ar y cyfryngau cymdeithasol
• gyfrannu o’ch profiad neu’ch arbenigedd proffesiynol
• neu drwy ychwanegu eich enw a’ch llais mewn cefnogaeth
Rhannwch eich profiad