Achos cyfreithiol wedi'i ariannu gan y gymuned yw hwn, ac mae arnom angen eich cefnogaeth yn fwy nag erioed wrth i ni nesáu at ein dyddiadau llys.

​

Mae'r Uchel Lys a'r Llys Apêl wedi rhoi caniatâd ar gyfer Adolygiad Barnwrol yn erbyn GreenGen Cymru, i fynd i'r afael â'r hyn a ddwedwn yw mynediad anghyfreithlon ar dir ar draws cannoedd o ffermydd a busnesau Cymreig, gan ddefnyddio pwerau statudol a chasglu ein data yn anghyfreithlon, a rhannu ein data gyda Bute Energy, eu cwmni rhiant, i gynorthwyo eu cynigion ar gyfer Ffermydd Gwynt.

​

Mae'r achos hwn yn gynsail gyfreithiol, a fydd yn helpu i bennu sut y dylai'r pwerau statudol y mae datblygwyr yn eu defnyddio weithredu yn ymarferol.

Mae gennym dystiolaeth a thystiaeth 500+ o ffermwyr, perchnogion tir a thirfeddianwyr, y mae ymddygiad GreenGen Cymru wedi effeithio'n uniongyrchol arnynt dros y 2+ flynedd ddiwethaf. Gwyddom fod cynifer o rai eraill ledled Cymru a Lloegr yn wynebu problemau tebyg. Mae'r achos hwn yn sefyll i helpu pob un ohonom.

 

Rydym am fynegi gwrthwynebiad i ymddygiad afresymol ac amhriodol o dan drwydded wedi'i chefnogi gan y wladwriaeth a rhoi stop ar bwerau statudol yn cael eu defnyddio i sathru cymunedau gwledig.

Rydym am gael canllawiau clir ar gyfer datblygwyr sy'n defnyddio'r pwerau hyn. Rydym am i gymunedau gael eu hamddiffyn rhag ymddygiad anghyfreithlon a bygythiol. Rydym am i'n data personol beidio â chael ei rannu ag eraill heb ein caniatâd.

Nid yw'r achos hwn yn ymwneud â'r cynigion seilwaith — mae'n ymwneud â sut y mae cwmnïau preifat, sy'n gweithredu o dan drwydded y Wladwriaeth, yn trin unigolion preifat.